Saturday, May 2, 2009

മിഥ്യകളെ ആര്‍ക്കാണ്‌ വേണ്ടാത്തത്‌?


മിഥ്യകളെ ആര്‍ക്കാണ്‌ വേണ്ടാത്തത്‌?
വേദാന്തികള്‍ക്ക്‌ ചെറിയൊരു
പങ്ക്‌ മിഥ്യ മതി.
നമുക്ക്‌ മിഥ്യകള്‍
എന്നും, എപ്പോഴും കൂട്ടിനുവേണം.
ഒരു ഈണത്തില്‍ മനസ്സ്‌ ചേര്‍ക്കാന്‍,
ഒരു കൂട്ടില്‍ ഇഷ്ടങ്ങള്‍ കുഴിച്ച്‌ മൂടാന്‍,
ഒരു ഗാനരംഗം ആസ്വദിക്കാന്‍,
ഒരു അഭിനയം കലയാണെന്ന് നമ്മെത്തന്നെ
വിശ്വസിപ്പിക്കാന്‍ ,
ഒന്നു ചിരിക്കാന്‍,
ഒന്നു പ്രേമിക്കാന്‍ മിഥ്യകള്‍ വേണം.
അവ നമ്മെ ചമല്‍ക്കാരങ്ങള്‍ കൊണ്ട്‌ മൂടി
കണ്ണു കെട്ടി എല്ലാം പഠിപ്പിക്കുന്നു.
ഒന്നും അറിയാതിരുന്നാല്‍
എന്തും വിശ്വസിച്ച്‌ സമയം കൊല്ലാം.
മിഥ്യകളെ അറിയാന്‍
ശ്രമിച്ചാല്‍ ദു:ഖങ്ങള്‍ വരും.
മിഥ്യകള്‍ക്ക്‌ വസിക്കാന്‍
നം നമ്മെത്തന്നെ കളിസ്ഥലമാക്കിയിരിക്കുന്നു.

No comments:

വാൻഗോഗിന് നോവലിനെക്കുറിച്ച് എം കെ ഹരികുമാർ

https://www.youtube.com/watch? v=x5JGFaMexk0&t=5s വാൻഗോഗിന് നോവലിനെക്കുറിച്ച് എം കെ ഹരികുമാർ