ഈ പുല്ലുകള്ക്കും പ്രണയമോ?
മേടുകളില് തിക്കി തിരക്കി
വളര്ന്ന പുല്ലുകള്
ഏതോ അമാനുഷ ലോകത്തെ
പ്രത്യക്ഷങ്ങളോ?
പ്രണയിക്കുന്നത്
അവര്ക്ക് കാമനയല്ല;
ജീവിതരീതിയാണ്.
ചുംബിക്കുകയും ഇണകലര്ന്ന്
ആടുകയും അവരുടെ
സംസ്കാരമല്ല;
പ്രാഥമിക കര്മ്മങ്ങളാണ്.
അവയ്ക്ക് പ്രണയിച്ചുകൊണ്ടേ
വളരനാവൂ.പൊട്ടിപ്പിളര്ന്ന്
പോകുമ്പോഴും പ്രണയത്തിന്റെ
ശിഖരങ്ങളിലൊന്ന്
അവയുടെ ഇടത്തേ
കൈയില് ഭദ്രമായിരിക്കും.
