വിശ്വാസം പോരാ
ഇരുട്ടിന്‌ ഒരു ഗതിമാറ്റമുണ്ടാകുമെന്ന്‌.
എങ്കിലും കോഴികള്‍ കൂവുന്നത്‌
കേള്‍ക്കുന്നത്‌
അതിന്‌ ഒരു തെളിവായിരുന്നു.
ജീവിച്ചിരിക്കുന്നതിന്‌
ഒരു യുക്തി അല്ലെങ്കില്‍
അടയാളം നല്ലതാണ്‌.
ജീവിതത്തിണ്ടെ തെളിവു തേടി
ജീവിക്കാതിരിക്കുന്നതില്‍
ഒരു ത്രില്‍ ഉള്ളത്‌ ഈ പാതിരാവിനാണ്‌.
സകല പട്ടികളും കുരച്ചു.
സാമാന്യം നന്നായി.
ഇത്‌ കുരകളുടെ കാലമാണ്‌;
പട്ടികളുടേതുപോലുമല്ല.
പട്ടികള്‍ ഇക്കാലത്ത്‌ പരാതിപ്പെടുന്നത്‌
അവയ്ക്ക്‌ സ്വന്തംകുരകളേക്കാള്‍
പ്രാധാന്യം വേണമെന്ന കാര്യത്തിലാണ്‌.
ഒരു കുരയും എങ്ങും
എത്തുന്നില്ലായെന്ന്‌
അവ മനസ്സിലാക്കുമ്പോഴേക്കും
വളരെ വൈകുന്നു.
പതിരാവിണ്റ്റെ ഇനിയും തെളിയിക്കപ്പെടാത്ത
നിലപാടുകള്‍ക്ക്‌ വേണ്ടി
അത് കോഴികളെ ആശ്രയിക്കുന്നത്‌
എത്രകാലംതുടരും?
പട്ടികള്‍ കുര നിര്‍ത്തിയാലുണ്ടാകുന്ന പ്രശ്നം
പാതിരാവ്‌ എന്നത്‌
ഒരു യാഥാര്‍ത്ഥ്യമല്ലാതാകും
എന്നതായിരിക്കും.
എന്തായാലും ഒരു പ്രശനവും തീരുന്നില്ല.
